日本自由行｜靜岡縣郊遊遊 住最新Pingu主題房+歎海邊風呂 自製2日1夜小島遊冇難度

人氣卡通角色Pingu企鵝家族，不少人誤以為是來自日本，實情這班笨笨又萌爆的企鵝們是來自瑞士，但在日本爆紅，成功俘虜唔少人的心。繼去年冬天在靜岡縣搞過Pingu主題活動後，今年載譽歸來，將於12月尾繼續在熱海地區、初島舉行新一個Pingu主題活動。交通、飲食、住宿多方面一站式服，處處都離不開Pingu蹤影，一於跟住Pingu去旅行！ 第1站：Pingu主題輪船打卡必備 一系列的島上活動環繞住Pingu企鵝家族，由出發那刻已Pingu滿天飛。先乘坐「Pingu號」輪船，往返熱海港及初島港，每30分鐘1班，班次不算疏落。船內擺滿了Pingu裝飾，船身貼滿了Pingu貼紙，超可愛！一落船仲有Pingu特大招牌歡迎你，影唔停手呀！ 「Pingu號」輪船 去年搭船有限定小禮品，唔知今年有冇呢？ 到處都係打卡位 Pingu本尊都出來同大家say hi 第2站：Pingu限定餐單 搭完船，梗係要食餐好嘅醫肚。Pingu同島上餐廳ENAK合作，推出多款Pingu造型美食，如咖喱飯、意粉、甜品等。款款都咁可愛，邊捨得食呀？ 凍木薯飲品約39港元（去年餐飲） 咖喱飯約83港元（去年餐飲） 熱木薯飲品約39港元（去年餐飲） 台灣古早味蛋糕約33港元（去年餐飲） 第3站：Pingu主題房 飲飽食醉係時候check-in，熱海Seaside Spa & Resort有最新的Pingu主題房，聽到都已心花怒放！Resort提供2間限定主題房，分別是熱海及十國峠風格，每房均可容納最多4人。另一主題住宿位於Pica初島Resort，為單幢式獨立屋，對住大海，滿滿的海島風。各房內擺了Pingu圖案攬枕、巨型公仔，入住的客人仲可免費獲得限定禮品1份，內含Pingu冷氣被，超貼心。住宿另一個吸引位係，熱海Seaside Spa